Page 6 - Ausgabe 116 / April 2022

Anzeige
„Der Hausmetzger kommt nach Bexbach“
Bexbacher Mundart- Bladd geschweddst
Nedd, daasses de Leid nedd geschmaggd hädd: ‘S Flääsch war halt aarich deier. Doo wunnerds emm nedd, dass, wenn inneme Haus geschlacht wor iss, die ganz Nochbar- schaft sich inngefunn hadd. Sellemools war e Schlachtfeschd noch ebbes bessonneres.
Bei meim Onkel Willi hannse in de Kich ge- huggt, beime schummeriche Licht: ich siehn- se noch voor ma: Doo Treidches Helleehn, näwedraahn Wasemanns Maja, die ald Schnalldersch, Kääsepps Liss’che unn uffem Schdiehlche emm Goldhammel sei Fraa: Lauersch Lina, die war schunn omm die neinzich. Die hadd nääwa sich die Millich- kann schdehn gehadd fa die Worschdsupp unn weilse nedd so reich war, hadd se als noor e Breggelche Flääsch beschdellt. Wenn de nedd uffgebasst hasch, wäärschde medd Maul unn Naas uff de Borrem gefall, weil die Pläddcher in de Kich vumm Metzjer- dunschd, vumm Koche und Dampe so fed- dich ware. E guuhrie Worschsupp iss de- heem schenn medd Majjerrohn, Peffer unn Salz, Bohnekreidche unn Maahgie-Kraut aahngemach woor, dann sinn kleen ge- schnibbelde Krommbeere ninnkomm unn ab uff de Ohwe. Feine Leid unn e mancher Pälzer hadd aah Nuuhdeldääch kleengeriw- welt unn eninn demedd. Dann hasche dich kenne latze. Awwer die Supp hadd noore kenne guuhd geroore, wenn die Metzjer ex- tra e paar Bluuhdwerschdcher uffbaddsche gelossd hadd, sunnsch hässche jo nuur Brieh geleffelt unn kenn Schdammbes gehadd..
Ach, was war dass e fein Zeich: Lewwer unn Bluuhdwerschd, Schwaahdemaah, Qwell- flääsch, Bauchlabbe, de Schonke iss guuhd gereichert wor, unn dann die Werschdcher: Broodwerschd fein unn grobb, Schnitzel unn Kottlette, danns Eisbein unn die fettich Hax, die Zong, die Lung, ‘s Herrn unn aah noch die Säächbegg, die Niercher. Herz wassbe- geehrschde! Die Mamme hadd deheem die Lewwer dorch de Fleeschwollef gelosst, de Babbe hadd misse die Duddel dräje, medd ingeweechte Wegg unn Gewerrz hadd dass feine Lewwerknepp gebb. Ma hadd soggar die Fießcher unns Schwänzche gehollt fa Silz unn Gallerei demmet ahnseriehre. Od- der gekocht, unn unser Angnees hadd dann Sennef driwwer gestrich unn draahn eromm- geschnibbelt. Am Enn hadds das Schwänz- che medd de Zänn razzebudds gefresst ge- hadd. Do waar kenn Fitzelche Flääsch meeh draan. De Floome, ‘s Bauchfett ,hannse aus- geloss unn innemme schdeene Schmalz- hääbche im Kicheschrank uffgehoob. Schon- ke unn Schbegg sinn im Keller schdigger sechs Wuchelang ingesullwerd unn dann medd Wachholler unn Sähmähl ins Raach- kemmerche und hinnenoh unners Dach ge- honk wor. Awwers Beschde ann dem Stigg Vieh, die Beggelcher vunn de Wutz odder ‘s
Do hamma druff geschbannt: Fri- schie Lewwer- unn Bluudworschd, Schwaademah – Herzwassbegehrsch- de!
Do neilich hadd enner uffem Maaghd gesch- dann und gedäähwert unn gescholl: heid- seddahs däähd de Worscht eehner wie de anner schmagge – im Lyoner wäär nur Fedd unn Eis drinn – unn Worschsupp kräächd ma aah kennie meeh in de Metz. Do hann ich fa mich gedenkt: So ganz Unrecht hadda jo nedd. Friejer iss so ab Oktoohwer, wenn die dunkel Johreszeit aahngefang hadd uns kalt woor iss, in de Heiser geschlacht wor. Faschd in de gleich Zeit iss de Seiler vunn Haus se Haus gang fass Kraut se schneire. Die Mamme hadds dann in de Schdänner im Keller inngemach unn owwe iwwer die Brieh e Lompe orre e Duuch aus Leine, dann zwääh Holzbrettcher und seledschd noch e digger Blaschderschdeehn geleehd. Bei de saure Bohne haddma misse effdersch die Brieh abschirre – sunschd häddse geschdunk wie die Peschd. Awwer wenn se dann uffem Disch geschdann hann met Bauchlabbe, Salzwasserkrommbeere und Majerroon – do iss eninngehau wor, bisse Panzgrimmasse kriehd hasch.
Wie ich noch kleener war, do iss bei meim Onkel Willin de Johannesschdroos im Haus noch geschlacht wor. Im Keller hadda sei Wuddsje eraahngezooh, immer guhd gef- fiehrerd medd Krombeerscheele unn Essens- reschder unn annr Zeich. Awwer scheen hadds dass Diehr sellemools aah nedd ge- hadd: in dem donkle Loch hadds misse hug- ge unn waahde, biss sei Schdinnche ge- schlaah hadd. Vunn weeche Dierschutz. Do hadd doomools kenn Wutz dennooh ge- frood. Also, dann iss de Gludding Herrmann, unser Hausmetzjer komm– hadd demm Dier medde vekkeehrd errom gehallen Aggsd uff de Kopp geschlag unns dann merrm schaafe Messer doohd gemacht. Später hadda e Bol- seschussgeräät gehadd, de Nigger, do wars eenfacher geweehn. Awwer doo hammier Kinner nedd derfe zuugugge, desswääh wääs ich nedd, wierer dass genau gemachd hadd. Waahscheins hädd ich all sei Lääbdaah kenn Bluuhdworschd meeh kenne esse, wenn ichs gewissd hädd, weil der Schdich in die Ohder am Hals so hadd misse sitze, dasses Blut er- ausgeloff unn in de Wutzeboll uffgefang woor iss. Unn dann iss geriehrt unn geriehrt woor, manchesmoohl bis zum Owwerarm,
dass jo nix gerinne duuhd. Joo, jeddsde fan- ge nedd graad ahn se graule, heidsedaahs wääs kenner meeh, wie e Wudds geschlachd werd. Ma brauch joo nur ins Kiehlregal se greife, doo leihd jo alles vumm Afrigaahner- broohde iwwer de Bluuhdschwaahdemaah bis hiehn zur Zong in Maddäähra-Soos.
Uff jeehrefall iss dass Schdigg Vieh dann in die Muuhl komm, unn medd heißem Wasser unneme Geräähd wie e Leschherrnche - de Briehlock oder Schrapp –haddmamm die Borschde abgeschaabt. Owwe an de Schrapp war e kleener Hooke, medd demm haddma die Klaue abgezoh. Uffgeschnied in zwääh Däähle isses dann noh owwe uf- feme Sichelschääd an die Lääder gehängt unn ans Scheierdoor orrer die Schdalldiehr komm. Dassell Schauschbiehl hasche noch bis vor stigga 20 Johr in den Derrfer vunn de Parr, im Gau omm Merzich, iwwer die Grenz im Loddringische unn a in Luggse- burch kenne siehn, weil ma voorm Haus ge- schlacht hadd.
Dann hadd de Metzjer derrehrschd ‘s Ge- leng: Herz, Lewwer, Long unn Niehrcher errausgehoolt, die Gall haddma nedd ge- braucht. Awwa die Därrm haddma ge- wäschd und spääder dass dorchgedräähd Worschgelombs ingefillt unn werschdches- weis abgebunn, in de Wäschkessel orrer in die Brenk geworf unn gekochd. Die Muh- selmaahne und die Jurre derfe jo kenn Schweineflääsch esse unn bei uns meides jo aah immer meeh Leid, vunn weje de Ge- sundhäät, wääm viele Fedd unnem Dier- schutz. Manchmool duhn emm die Wuddse werklich lääd. Mir misse mool driwwer noohdenke, wie ma meddem Herrgott seine Geschebbfe ommgeehn. So wie bis jeddsde isses nedd in Ordnung. Dass iss e Schann – awwa wemma alles billich unn immer billi- cher hann will, brauch ma sich nedd se wun- nere. Ess dähd uns nix schaade, e manches, was nedd in Ordnung iss, serigg sefahre.
Friejer hann die Leid jo iwwerhaabt nedd so oft Flääsch uff de Disch krieht. Amme Sunndah alsemool unn wenns hochkommt: zwäähmool unner de Wuch. Middwuchs unn Freidaahs hadds bei meine Vorfahre gaar nix in der Art gebb. Wäjem Aschermidd- wuch unnem Kaarfreidaah, do war Faschde aahngesaaht. Doodevoor hadds gebb: Ve- heiraahde, Roschdische Ritter, Quer dorch de Gaahde, Grießknepp mett Beereschnitz , Hannsdrauwe odder Druuhschele, Kromm- beerpannkuuche medd Abbelschmeer...
Ausgabe 116 / April 2022
6